دخيلك جامل الدمعه ترا مهما اكون انسان..

تريث ياصدى صوتي وخفف نبـرة الأحـزان
تعلّم من نزيف الجرح كيف اصبر على همـي

أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي

سكنتك بيت ياكبره وشكلّـت بسمـاك ألـوان
شربتك كاس بيديني وأثاري الكـاس منسمـي

دخيلك جامل الدمعه !! ترا مهما أكون أنسـان
مشاعر قلـب تحكينـي وأزود حبرهـا دمـي

كرهت البيت بغيابك ! كرهت الباب والجـدران
ليامن شفت لك صورة تنسينـي حنـان أمـي

أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي

تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي

أمانه لو جعلتني مسافر في سمـا النسيـان
أمانه جاوب صوتي لجـل مايحتـرق دمـي

ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي

أبيك تعيشني قصة ! بطل خاين وأنا الخـوان
أبي كل البشر تحكي وتتسابـق علـى ذمـي

على هونك ظلام الليل!! أشوف الليل ماقد حان
علامك تلوي ذراعي !! تبعثر فينـي وتلمـني

حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـني

حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي

تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي

مبدعه في انتقاء القصيده

يعطيك العافيه لاعدمناك

تسلمييييييييييييييييييييييييييين خيتوووووووووووووووووووووووووو
اشكرك ع مروووووووووووووووووووورك
يعطيك العاااااااااااااااافيه

يعطيكي العافيه تعب جرحي لاتحريمينا جديدك

تقبل مروري الدمعه البريئــــــــــــــــــــــه

الله يعاااافيك خيتووووووووو
مشكوره ع المرووووووووور