كثير من البشر يسأل عن أسباب الحـزن فينـي

مساكم ورد وجوري وكادي


كثير من البشر يسأل عن أسباب الحـزن فينـي
وكثير من البشر وده يعرف بدنيتـي وش صـار…؟؟

وعلام اللي يقابلني يشوف الدمـع فـي عينـي ...
وأنا توي صغير السن حزيـن وشـارد ومنهـار...

أنا بحكي بقول ا لحين عن اللي صار فـي سنينـي...
ولكن قبل لا أتكلم أبيكم تحكمـوا يـاأخيار..

تعالوا واشهـدوا ياناس تعالـوا طالعـو فينـي..
تعالوا شاهدوا جسمي غدىناحل وعقلي طـار..

أنا مانـي تـرى مدمـن ولا ضاعـت ملايينـي..
وربي يا بشرحالـي سبايـب وقتـي الغـدار..

تعالوا واسمعوا منـي وش أسباب الحـزن فينـي..
وشنهي سبة دموعي وش اللـي بدنيتـي أسرار..؟؟

يتيمٍ إيه أنا عايـش يتيـم محـدٍ يراعينـي...
ولاحدٍ عني جاء يسـأل وحيـدٍ جالـسٍ بالـدار..

يتيـمٍ مافـي بالعالـم رحـومٍ جـاء يواسينـي..!!
يتيمٍ عايش بحسرة وضيقـه عيشتـي امـرار..

يتيمٍ فـي نهـار العيـد محـد جانـي ينادينـي..
يقول لي خذ حلاوةالعيد زمانٍ كنا فيـه صغـار..

يتيمٍ صـاح يا موتي رجيتـك رجـوه تجينـي..
يومٍ استاذي قال بكره يجوون آبائكم يا صغار..

شهادتكم تـرى بكـره وأبوكم لازم يجينـي..
بسلمها أنا بيده وشهـادة شكـر مـع أزهار..

وجاء بكره وجيت امشي ولحدٍ ماسـك ايدينـي..!!
ومن أي طالب دخل ماسك يدين أبوه صرت أغار...

وكنت الأول ولكـن دموعـي كانـت بعينـي ...
نزل دمعي وسط حفلٍ كبير وحاضرينه كثـار..

ما قصرزادها الأستاذ مـا بـارك صـار يعزينـي...
شهادة كانت بيدي أحسها جمـرة مـن نـار..

ترى هذا سبب واحد من أسباب الحـزن فينـي..!!
يكفي يا بشر ولا أكمل وافشـي الأسرار...

أبحكي عن سبب ثاني سبـب زاد الحـزن فينـي ....
حبيبٍ مـت فـي حبـه ولكنّـه طلـع غـدار…

أنا رغم اليتم حبيـت عشقـت بكـل ما فيني....
عشقت وكنت له ( وافي ) وإذا اخطأ أجيب أعذار...

أنا حبيت لي شخـصٍ عشقتـه عشقـي لعينـي...
وهو حبني واقسم لي بـرب المصحـف الجبـار..!!

أنا صدقـت حلفانـه وهقيـته بيغ لينـي...
ومثل ماني أحبه مـوت توقعتـه يجينـي بـار...

ولكـن خيّـب ضنونـي توقعتـه بيحميـنـي...
توقعته حبيبي يكـون ولكـن صاربـي غـدار…

آثاري كـان يتسلـى ووقتـه يضيعـه فينـي..
وأنا اللي أحّسبه يحبني واحسبه حاط لـي مقـدار…

قطع في طعنته أخر عـروق الفرحة بسنينـي..
وزاد الحزن فـي قلبـي وخلانـي أعيش بنـار…

خدعنـي ونيتـه ينهـي حياتـي وده ينهيـنـي..!!!
وعجزت اخذت ثاري منه حبيبي كيف اباخذ ثـار..

ومع غـدره وطعناتـه غرامـه ساكـنٍ فينـي...
ولا ظني أنا بنساه لـو أتعالج بوسـط شهـار..

عرفتو يابشر هالحيـن ليـه الدمـع فـي عينـي..؟؟؟
عذرتوني على جسمي عذرتو عقلي اللـي طـار….

وأمانه يا بشر تكفـون إذا منكـم يلاقينـي...
لا يسألني وش الباقي من اللـي بدنيتـي أسرار..

لأني لو أنا بحكـي جميـع اللـي أنا فينـي..
ياناس عقولكم والله بتلحق عقلـي اللـي طـار..

منقول ونبي ردود ممتكن ؟

يعطيك العافيه قصيده راائعه

تقبل مروري

مشكوره على مرورك الرائع يا عسل

صح السانكم

وتسلم يمناكم

صح بدنك يالغلا
يسلمك ربي من كل شر
مما اسعدني تواجدك في متصفحي
ثانكس على مرورك

تعالوا واشهـدوا ياناس تعالـوا طالعـو فينـي..
تعالوا شاهدوا جسمي غدىناحل وعقلي طـار..

مسكين <- متاثره ..

/
/
خطنطر انت
تسلم والله ياحج مناحي

يسلمك ربي من كل شر
مما اسعدني تواجدك في متصفحي
ثانكس على مرورك

مناحي يارائع انا من الناس الاكثر متابعه لمواضيعك
لحسن اختارك لها وجمالها والحمد الله علي سلامتك
وتقبل مروري

مما يسعدني تواجدك في متصفحي
كلامك وسام على صدري
الله يسلمك يالغلا من كل شر ومشكوره على سوالك
ثانكس على مرورك