دكتورة

قلت منهي ياسبيعي قـال لـي دكتـوره
تعمل بقسم العيـون وعينهـا نجلائـي

قلت ابا اكتب في عيون الي جذبني حوره
والحواجب واليدين وخصلتـن شقرائـي

قال لي اكتب وابدع في جمال الصوره *
قلت كنها يوم مـرت مهرتـن بيضائـي

مهرتن في روض برن تستطيح ازهوره
لاتبـادا وجههـا والمهجـة الغـرائـي

خدها من زيـن لونـه يشبـه البلـوره
والكرات الـي بدمهـا كلهـا صفرائـي

من عيون الحاسدين اقرا عليها سـوره
سورة الإخلاص وأول سورة الإسرائـي

قلهـا يابـو فهـد اتوسـع التـنـوره
نعنبوها كـل خطـوه كنهـا بأحشائـي

ليتني ثم ليتنـي مـا شهـدت امـروره
ولا شهدت النظره الي سببـت إغوائـي

وليتني يا أهل الرياض الي تشع أقصوره
ما لقيت الـي تبعثـر مشيتـه أرجائـي

علموه إني انا مـن ناسـه وجمهـوره
وعلموه إنـه يسبـب دائمـا أسوائـي

وعلموه إن حالتي لو مارحـم مخطـوره
وعلموه أنه سكن في خافي الأعضائـي

وعلموه إني أنا مـن لابتـن مشهـوره
تكتسي يـوم الملاقـا خايـف البيدائـي

فليتني يا أهل الرياض الي تشع أقصوره
مالقيت الـي تبعثـر نظرتـه أرجائـي

وليتني ثم ليتني مـا شهـدت أمـروره
إلين عفت أحلى هدايا رحلتي وأشيائـي


النهر