هذه الرسالة تفيد بأنك غير مشترك. للاشتراك الرجاء اضغط
هنــا
هذه الرسالة تفيد بأنك غير مشترك. للاشتراك الرجاء اضغط
هنــا
|
|
روابط مهمة و
مفيدة :
لاستعادة الباسورد الرقم السري ||
كيف يتم تفعيل الاشتراك ||
طلب كود تفعيل العضوية على البريد
]- تحذير : يرجى من الأعضاء
عدم استخدام
الزخارف في كتابة المواضيع أو المدة أو
تكرار
الأحرف واختيار
عنوان مناسب لمحتوى
الموضوع -[
LinkBack أدوات الموضوع انواع عرض الموضوع
07-01-2009, 08:57 PM
| رقم المشاركة : 1 (permalink) |
 
|  رباعيات صلاح جاهين خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت ولا الحياه ؟ عجبي !!! ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي أنا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود ؟؟ عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهّير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه إزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قَتلت ؟ ..... والا اتقتلت عجبي !! انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتى الخنازير و الكلاب شربوا منه عجبي !!!! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة ؟؟ !! عجبي !!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!! يا حزين يا قُمقُم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!! الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي !!! علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! - يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي !!! وقفت بين شطين علي قنطـــــــــــــــــ ـرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! سرداب في مستشفي الولاده طويل صرخات عذاب ورا كل باب وعويل .. وفي الطــــــريق متزوقين البنات متزوقـــــــــــــين للحب و المواويل عجبي !! الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !! أيوب رماه البين بكل العـــــــــلل سبع سنين مرضان وعنده شلل الصــــبر طيب .. صبر أيوب شفاه بس الأكـــــــــاده مات بفعل الملل عجبي !!! نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــد ها هي الحياه كده .. كلها في الفاشوش عجبي !!!! يا طير يا عالي في الســــــما طظ فيك ما تفتكرشي ربنا مصطــــــــــــــــف يك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي !!! كروان جريح مضروب شعاع م القمر سقط من السموات فؤاده انكســـــــــر جريت عليه قطه علشان تبلعـــــــــــه أتاريه خيال شعراء و مالهـــــوش أثر عجبي !!! ياللي نصحت الناس بشــــــــــــــرب النبيت مع بنت حلوه .. وعود , وضحك , وحديت مش كنت تنصحهم منين يكســــــــــــــــب وا تمن ده كله ؟ ... و الا يمكن نســـــــــــيت عجبي !! ما حد في الدنيا واخد جزاتــــــــــــــــ ــه و لا حــــــــــــــــد بيفكر في غير لذاذاته ما تعرفيش يا حبيبتي .. أنا و انتي مين؟ إنتي عروس النيل ... و أنا النيل بذاته عجبي !! رقاصه خرسا و رقصه من غير نغــم دنيا . . يا مين يصالحها قبل النـــــدم ساعتين تهز بوجههـــــــــــــــ ا يعنـي يترجرجوا نهديها يعني نعـــــــــــــــم عجبي !!! إخطفني ياللي تحبني ع الحصان الدنيا قالت يوم في ماضي الزمان إخطفني ياللي تحبني ع الـــــفرس الدنيا قالت .. قام خطفها الشيطان عجبي !!!! من بين شقوق الشيش و شقشقت لك مع شهقة العصافير و زقزقـــــــت لك نهار جديد انا . . قوم نشوف نعــمليه انا قلت يا ح تقتلني .. يا ح اقــــــــتلك عجبي !!! جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي !!! جالك اوان وعرفت مشي الجنايــــــــز كيف شفتها يا عبد رب اللذايــــــــــــذ قال : شفت شيل بالحيل فقير أو اميـــر كما شالوا في الخمامير فواضي القزايز عجبي !! أنا كنت شئ و صبحت شئ ثم شــئ شوف ربنا .. قادرعلي كل شـــــــئ هز الشجر شواشيه ووشوشني قال : لابد ما يموت شئ عشان يحيا شئ عجبي !! يا مشرط الجراح أمانة علـــــــــــيك و انت ف حشايا تبص من حواليــك فيه نقطة سوده في قلبي بدأت تبان شيلها كمان .. و الفضل يرجع إليك عجبي !!! كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــ ــــــوع و ما لوش دوا غير لمسه من إيد حبيب عجبي !!!! تسلم يا غصن الخوخ يا عود الحطـــــــــب بييجي الربيع .. تطلـــــــــــع زهورك عجب و انا ليه بيمضـــــــــــي ربيع وييجي ربيع و لسه برضك قلــــــــــــــــــ بي حتة خشب عجبي !!! يااااااااااارب تعجبكم ان شاء الله راح انزل بقيت رباعياته |
|
|  |
|
07-02-2009, 05:15 AM
| رقم المشاركة : 2 (permalink) |
|  مشكورة اختي الكريمة وبارك الله بك على ما نقلته لنا وعلى كلامك الرائع هذا تقبلي مني كل الود والمنى لشخصك الطيب الغالي فهذا الشعر عبارة عن حكم ومواعض لمن يتعض فشكرا لك الف الف شكر على ما ابدعتي به يا غاليتي الكريمة طبعا يا عزيزتي عجبتنة ومشكورة على النقل الرائع ونحن بانتضار القادم وتقبلي تحياتي ومروري العنيـــــــــد آخر تعديل العنيـــد يوم 07-02-2009 في 05:20 AM. |
|
| |
|
07-02-2009, 02:18 PM
| رقم المشاركة : 4 (permalink) | |||||||||||||||||||||||
|
|
اسعدنى تواجدك كتيررر يااسطورررررره بيكفينى مرورك العطر ع صفحتى دون الرد على مواضيعى هذا شرف الى كبير تقبل منى احترامى لشخصك الغالى دمت بالف خير اتمنى لك حياه سعيده انشاء الله | |||||||||||||||||||||||
|
| |
|
07-02-2009, 04:47 PM
| رقم المشاركة : 9 (permalink) | |||||||||||||||||||||||
|
| 
نورتى صفحتى انشاء الله يكون عجبك لاتحرمينى من مرورك العطر | |||||||||||||||||||||||
|
| |
|
| مواقع النشر (المفضلة) |
| اعلانات تجارية |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صلاه خاشعه للشيخ صلاح البدير | الســـــــــاهر | صوتيات آسلاميه | 6 | 09-12-2009 12:12 PM |
| العطر سلاح المرأة الجنسي | الساحر الابيض | الثقافة والعلاقات الزوجية | 0 | 04-15-2009 06:15 PM |
| أثر الدعاء في صلاح الأبناء | شووق المشاعر | الأم والطفل | 2 | 04-12-2009 08:05 AM |
منتديات عالم
حواء وشؤون الأسرة ، مكياج عالم حواء ، مطبخ عالم حواء ، أزياء عالم حواء
الثقافة والعلاقات الزوجية
، صور انمي
، أخبار الفن ،
السفر والسياحة
صور و كاركتير،
صورة قلب ، توبيكات بنات
، منتدى الفراشات
| اشترك فى قروب منتديات روحك لكي يصلك كل جديد |
| زيارة قروب روحك |
العرض العادي
