اتمنى تجاوبون على سؤالي وبذات الشباب

السلام عليكم

مااعرف شلون ابتدي بالموضوع بس اعذروني على اسلوبي لو كان ركيك شوي لاني مو مرتبه الكلام الي ودي اقوله

انا كنت على علاقه مع شاب في النت لمده اربعه شهور متواصله وبعدها تركته مع ان تركته يمكن مرتين في هـ الفتره وارجع له ثاني يوم لاني اشتاق له ومااقدر على بعده ولا عندي شي يشغلني بالتفكير فيه
بعد العلاقه الي مدتها اربع شهور تركته وحاولت ادخل دورات وكذا علشان اشغل نفسي عنه
ودخلت دوره لمده ثلاث شهور واول مااخلصت من هـ الدوره بعدها بكم يوم كذا ارسل لي رساله بغض النظر عن المحتوى وانا مااقدرت اني اطنشه ورديت عليها وتم فتره يمكن شهر وبعدها رد على رسالتي الي ارسلتها وكذا وتمت بينا رسايل بين فتره وفتره الي بعد ثلاث اسابيع يرد علي والي بعد اسبوعين وكذا
في هذا الشهر الي هو شهر سته تااريخ 10 تقريبا رد يكلمني مسن كلمته لمده يومين وبعدها ندمت اني رديت لهـ الطريق مره ثانيه وقلت له بتركك وقال على راحتج وتم يدعي لي وكذا وبعدها بااسبوع ارسل لي رساله وانا رديت على رسالته وبعدها قالي كلميني مسن وكلمته وفي نفس المحادثه قلت له شلون انا ماابي هذا الطريق قالي على راحتج اذا بعدي عنج في راحتج خلاص ابعدي عاد انا سالته وقلت له جاوب وبصراحه انت ليش ترجع لي وانا اعرف انه صاادق واذا ماايبي يجاوب بيقولي ماابي اجاوب وانا متاكده انه ماايكذب لاني عااشرته لمدة 4 شهور فـ اكيد بعرف اطباعه جاوب على سؤالي وقالي ارتاح لج وااحب اكلمج ولما تقولين لي ابي اتركك اقول اوكي لان اخاف تصير لج مشاكل وانا ماابي لج المظره بس بعد مااتتركيني ارد ابي اكلمج احب سوالفج وكذا انا تركته الحين صار لي يومين على اساس خلاص مااراح يرجع لي
بس ابي اعرف وبذات راي الشباب هو ليش يرجع لي هل هو يحبني بس ماايبي يقول لانه هو ماايتكلم عن مشااعره ومو من النوع الي يعرف يعبر عن شي التعبير الصح لانه من النوع الكتوم والهادي
ادري يمكن يدور في بالكم داامني تركته ليش ابي اعرف اذا يحبني ولا لا ابي اعرف شنو مششاعره اتجاهي وبس لان داايم اسال نفسي هـ السؤال وقلت مااراح احصل الجواب الا هنا

ادري طولت عليكم السموحه منكم بس اتمنى تفيدوني

لا انت مااقسيت بكلامك ولا شي وانا طرحت موضوعي وبتقبل كل رد برحابه صدر
ودي ااعلق على كم جمله من جملك
لما قلت ان ماافي حبيب يتم بعيد عن حبيبه بدون اتصال او مسج // في هذه الفتره كنا على اساس ان انا في طريق وهو في طريق
ولما تعرف علي كان عنده لاب توب رفيجه كان يستخدمه وقتها ولما تركني رجع الاب توب لراعيه فـ علشان كذا يرد على رسايلي بعد فتره
والرساله الي خلتني اكلمه في المسن اخر مره كانت انه يقولي ان شرى لاب توب جديد واني اقدر اشوفه كل يوم !!!
انا استغربت يسوي نفسه ان نسى اني قلت له كل وااحد في طريق
والحين احنا ماانكلم بعض خلاص يعني ماافي بينا شي
ان شاء الله وضحت لك الموضوع اكثر
مشكور الشيخ على تعلقك وماقصرت
والله يعطيك العافيه

اسمحيلي العنود

انا مأمن بحب عن طريق النت

ويجي يوم مايثق فيك

كثير حصلت مشآكل عن طريق النت

وانا أقول من الحسن ان تتريكيه

وتشغلين نفسكـ بذكر الله والدعاء اليه


والله مااليك غير الله سبحانه وتعالى

وراح تطوليين ماتنسي بس أصبري

أختكـ شووق المشاعر